Iratiko argazki elegante bat.

Aurreko postean, Iratiko ohianetik Baxenafarroko Mendibera arte zijoan 18 km.tako kablearen berri eman genuen. Interneten salseatzen, postal salerosketa eta enkanteetara bideratuta dagoen Delcampe.net webgunean gaikaldeko postalarekin egin nuen topo. Wow!!!!!!!

Behien atzekaldean zer dagoen ikusten al duzue? Ba bai, kable horren piloietako bat. Argazkiaren data ezartzea ezinezkoa da bainan, kontuan izanda kable sistema hori 1950ko hamarkadan desmontatua izan zela, atera kontuak.

Argazkiaren egilea eta erabilpen baldintzak zeharo ezezagunak zaizkit.

Kategoriak Argazki eta bildumak | Etiketak , , | Utzi iruzkina

Jean Morettirekin Mugerren

Kablegintza garraio sistema bezala Euskal Herriko txoko menditsu guztietan izan zela esateko moduan gaude. Ikerketarekin hasi ginen arte zeharo ezezaguna zitzaidan Benafarroako Mendibetik Iratiko ohianera arte zijoan 18km.tako airetiko kable azpiegitura. Bai, 18 km.tako instalakuntza!

Jarraitu irakurtzen

Kategoriak Azpiegiturak | Etiketak , , , , , , , | Utzi iruzkina

Jesús Elóseguiren bilduman kableen argazkiak

Aranzadi Zientzia Elkarteko sortzaile izan zen Jesús Elóseguiren argazki bilduma GureGipuzkoa.net webgunean eskuragarri izatea ikertzaileontzako suerte latza da.

Eta argazkiok CC-BY-SA baimen librepean egotea beraien egoera legala zehatza zein den jakiterakoan, lana ikaragarri errazten digu. Eskerrikasko beraz, Aranzadi Zientzia Elkarteko kideei argazkiok erabiltzaileokin partekatzeko emandako pauso ausartagatik!

Uztegi'ko belar biltzea
GureGipuzkoa.net | Uztegi’ko belar biltzea © CC BY-SA: Elósegui Irazusta, Jesús

Jarraitu irakurtzen

Kategoriak Argazki eta bildumak | Etiketak , , , | Utzi iruzkina

Agerre Haundiko kablea mapan

Ataunen kablea garraio baliabide bezala indarrean izan den urteetan, udalerriko makina bat baserri eta parajeetan 197 kable instalakuntza izatera iritsi ziren. Gehienak, denak ez esatearren, Bixente Esquisabelen aginduetara jardunean ibilitako kablelariek muntatuta.

2012. urte honetan urriak dira geratzen diren aztarnak. Eta are eta urriagoak erabiltzeko moduan dauden kable instalakuntzak. Horietako bat San Martin auzoko Agerre Haundi baserrikoa da.

Kablearen luzera motza da, 165m. +/- eta etxe gaineko belarditik etxeko ganbararaino belarra sartzeko aukera eskaintzen du. Hala ere, egun ez dute erabiltzen belarra fardotan txukunagoa geratzen baita.

Bertako kablearen argazki galeria bat azpikaldean duzue.

DisparoaDanborraAgerre Haundi baserriko kablea."Astoa"Agerre Haundiko sarrera

Agerre Haundiko kablea, argazki albuma Flickren.

Kategoriak Ataun, Azpiegiturak | Etiketak , , | Utzi iruzkina

Miguel Eskisabelen azalpenak

2011ko irailean Miguel Eskisabel gure osaba elkarrizketatzeko aukera izan genuen. Osasunez pattal dabil bainan gure galderak erantzuteko prest agertu zitzaigun ta zinez eskertzen diogu.

Miguel, bere aita Bixente Esquisabelekin batera kable muntaketan makina bat urtez jardun zen ezkondu eta mendi utzi zuen arte. Elkarrizketan horiek eta beste hamaika pasadizo azaldu zizkigun.

Azpikoa, grabatu genion saioko tarte labur bat baino ez da, orotara ia ordu t’erdiz jardun baiginen. Etorkizunean bideo gehiago eskuragarri jarriko ditugu.

Kategoriak Kablelariak | Etiketak , , , | Utzi iruzkina

Bixente Esquisabel sustatzaile eta ekintzailea

Bixente Esquisabelen inguruan gehiago jakin nahia izan da blog eta baliabide hauek guztiak martxan jartzeko arrazoi nagusia.

Gure aita eta aitona izandakoa, 1899. urtean Ataungo San Gregorio auzoko Artaditxulo baserrian jaio zelarik, 1955eko otsailaren 28an kontestu ez oso garbian Iruñan zendu zen.

Bixente Esquisabel
GureGipuzkoa.net | Bixente Esquisabel © Sin Restricciones…: Ezezaguna

Euskal Herriko kablegintzan aitzindaria, Ataungo, Nafarroako eta atzerriko hamaika kable instalakuntza sustatu zituen, hala nola, Ansó, Zuriza, Candanchú, Andorra… Bere aginduetara makina bat langile izatera iritsi zen, bere garaian Ataungo “potentatuen” artean izan zelarik.

Bixenteri buruz dakigun guztia blog honetan jartzen saiatuko garelarik, gure ikerkuntzaren inguruan edozein informazio gustora jasoko genuke.
Argazkian Bixente, bere emaztea Donata eta eskubian emakume ezezagun bat ageri dira.

Kategoriak Ataun, Kablelariak | Etiketak , , , | Iruzkin 1

Belarra jeisteko karrilloa

Ataungo San Gregorio auzoko Artaditxulo baserrian belarra eta garoa kable bidez garraiatzeko erabilitako txirrika edo karrilloa.

Txirrika edo karrilloa
GureGipuzkoa.net | Txirrika edo karrilloa © CC BY-SA: Xabier Eskisabel

Modelo honek bere barnean rodamentua du eta karga arinak garraitzeko erabili zen. Argazkiko txirrikari erdoila garbitu zaio eta pintatu egin da.

Kategoriak Ataun, Azpiegiturak | Etiketak , , , | Iruzkin 1

Kablea Orotz-Betelun

2011ko ekainean Orotz-Betelura egindako txangoan herriko kanpokaldean aurkitzen den kable zaharra.

Kategoriak Azpiegiturak | Etiketak , | Utzi iruzkina

Agerre Haundiko kablea

DisparoaDanborraAgerre Haundi baserriko kablea."Astoa"Agerre Haundiko sarrera

Agerre Haundiko kablea, un álbum en Flickr.

Agerre haundi baserrian 2010eko abuztuan hartutako argazki sorta.

A través de Flickr:
San Martin auzoko Agerre Haundi baserriko kablearen elementu ezberdinak.

Kategoriak Ataun | Etiketak , , , | Utzi iruzkina

Lehenengo posta

Blogaren lehengo posta blog honen goibururako aukeratu dudan argazki originala erakusteari ekiten diot.

Lehenengo posta Ataungo Gesalbe inguruan ateratako argazki batekin hasten dut. Argazkian egurra garraiatzeko kable instalakuntza ikusi daiteke. Langileen artean Juan Eskisabel, nire aita eta Antonio Eskisabel, nire osaba zena agertzen dira.
Egur kargaderoa Gesalben
GureGipuzkoa.net | Egur kargaderoa Gesalben © CC BY-SA: Nieves Lasa

Kategoriak Ataun | Etiketak , , | Utzi iruzkina