Etiketaren artxiboa: kablegintza

Jesús Elóseguiren bilduman kableen argazkiak

Aranzadi Zientzia Elkarteko sortzaile izan zen Jesús Elóseguiren argazki bilduma GureGipuzkoa.net webgunean eskuragarri izatea ikertzaileontzako suerte latza da.

Eta argazkiok CC-BY-SA baimen librepean egotea beraien egoera legala zehatza zein den jakiterakoan, lana ikaragarri errazten digu. Eskerrikasko beraz, Aranzadi Zientzia Elkarteko kideei argazkiok erabiltzaileokin partekatzeko emandako pauso ausartagatik!

Uztegi'ko belar biltzea
GureGipuzkoa.net | Uztegi’ko belar biltzea © CC BY-SA: Elósegui Irazusta, Jesús

Jarraitu irakurtzen

Miguel Eskisabelen azalpenak

2011ko irailean Miguel Eskisabel gure osaba elkarrizketatzeko aukera izan genuen. Osasunez pattal dabil bainan gure galderak erantzuteko prest agertu zitzaigun ta zinez eskertzen diogu.

Miguel, bere aita Bixente Esquisabelekin batera kable muntaketan makina bat urtez jardun zen ezkondu eta mendi utzi zuen arte. Elkarrizketan horiek eta beste hamaika pasadizo azaldu zizkigun.

Azpikoa, grabatu genion saioko tarte labur bat baino ez da, orotara ia ordu t’erdiz jardun baiginen. Etorkizunean bideo gehiago eskuragarri jarriko ditugu.

Bixente Esquisabel sustatzaile eta ekintzailea

Bixente Esquisabelen inguruan gehiago jakin nahia izan da blog eta baliabide hauek guztiak martxan jartzeko arrazoi nagusia.

Gure aita eta aitona izandakoa, 1899. urtean Ataungo San Gregorio auzoko Artaditxulo baserrian jaio zelarik, 1955eko otsailaren 28an kontestu ez oso garbian Iruñan zendu zen.

Bixente Esquisabel
GureGipuzkoa.net | Bixente Esquisabel © Sin Restricciones…: Ezezaguna

Euskal Herriko kablegintzan aitzindaria, Ataungo, Nafarroako eta atzerriko hamaika kable instalakuntza sustatu zituen, hala nola, Ansó, Zuriza, Candanchú, Andorra… Bere aginduetara makina bat langile izatera iritsi zen, bere garaian Ataungo “potentatuen” artean izan zelarik.

Bixenteri buruz dakigun guztia blog honetan jartzen saiatuko garelarik, gure ikerkuntzaren inguruan edozein informazio gustora jasoko genuke.
Argazkian Bixente, bere emaztea Donata eta eskubian emakume ezezagun bat ageri dira.

Belarra jeisteko karrilloa

Ataungo San Gregorio auzoko Artaditxulo baserrian belarra eta garoa kable bidez garraiatzeko erabilitako txirrika edo karrilloa.

Txirrika edo karrilloa
GureGipuzkoa.net | Txirrika edo karrilloa © CC BY-SA: Xabier Eskisabel

Modelo honek bere barnean rodamentua du eta karga arinak garraitzeko erabili zen. Argazkiko txirrikari erdoila garbitu zaio eta pintatu egin da.